點解交易用數期唔好?

今日整日既活動都圍繞住accounting，好似係balance sheet等等，當中Johnny Sir 講到既付款以數期方式─即問人羅貨唔係即時付款既方法，令我最有感受‧我好明白當中既辛酸，主要因為我Daddy 都係做飲食既生意人，數期付款的方式經常出現係佢賣貨俾人既時候，而且佢仲講左一d奸商點樣利用數期付款既方式為自己賺一筆大錢，希望大家聽完呢個故事都要小心d‧

一般外面既大酒樓經常都會有倒閉又開，倒閉又開既情況，但事實上開酒樓根本賺唔到錢，點解仲有人會開呢? 我Daddy 話開酒樓既人主要賺既就係利用「賒數」既方法賺到貨品供應‧

點樣做既呢?原來一間酒樓既老闆大部分開鋪既錢都會放係裝修，其他買貨既錢、人工等等都係唔會用現金付款，大部分都係用2至3個月既既月數方式付款，假設間酒樓7月1日開張，所有向食品公司買貨既錢都只會係9月至10月還，當然有部分既奸商竟然好誇張甘5-6個月先付款一次都唔出其‧如是者，間酒樓如果賺到50萬，分哂俾所有股東同埋自己份糧，剩返既先會俾數期既錢‧好彩既係酒樓有好多錢剩可以順利還錢，唔好彩呢? 個d賺到錢但唔想俾借左既錢既酒樓老闆就會直接將酒樓倒閉，最後破產，結果其他賣貨俾間酒樓但收唔到錢既賣家結果一蚊都收唔到‧

表面上，酒樓既老闆好似係最慘個個，但其實佢地係之前出糧時已經賺到一部分錢，要還既時候就結束酒樓唔駛賠甘多‧ 到過左一排又再次開間新既酒樓，沒完沒了，以數期方式作為付款就成為左好多奸商既賺錢方法‧

呢d就係係飲食業當中走數既現象，我好希望各位同學如果將來創業就要考慮好買貨付款既方式，審慎理財往往比即刻開鋪更為重要，否則自己都會係最蝕底個個‧

PS: 以上既例子只係我Daddy講既野，唔係代表全部既公司，只係想大家明白付款時時間係好重要既je

By 細孖