創新、包裝，只求滿足您地

喜見另外兩位同學仔都發功分享佢地ge高見!! 兩位分別都講出「商品」或「服務」應運而生，其目的都係針對顧客現有問題，視之為顧客需要並提出解決方法，從交易中買賣雙方都能獲得利益。

買家問題可以係生活上、生理上、心理上、形儀上...... 所以一人一個「邊爐」係令大家開開心心聚首一堂之餘，大家都可以各自食自己鍾意ge野，唔洗同人爭，和和氣氣。

CK T-shirt vs 無牌優質T-shirt 都係一樣，功能上都係俾大家有衣裳蔽體，但心理上、形儀上CK點都令您有優越感，正所謂「身穿一件名牌Tee，講野都可以大聲D」。

玩具車 crossover 蒜頭
大家有無切過蒜蓉? 切餐懵先有一小堆，的確唔係人人都鍾意。尤其是d有錢人，平日忙住返工搵錢，甚少下廚，分分鐘連生菜同西蘭花都分唔到，更莫講話係用菜刀。


但忙人都係人，佢地都得閒想煮返餐俾家人食。企業家就睇準呢個機會，發揮佢地創意小宇宙，創作好多不同類型ge產品俾呢班想煮餐飯ge「有錢大忙人」。


今日就見到一個名為"Garliczoom" ge商品，大大減少切蒜蓉ge時間，更大大減低佢地切親手指ge風險。

簡簡單單將個轆同刀片用齒輪連接住，將架「玩具車」轆前轆後，就成為左「有錢大忙人」入得廚房、出得廳堂、切到蒜蓉ge恩物，有時顧客要解決ge問題就係咁簡單、咁直接，細細件不超過10件零件就令佢身價值 HKD$78，而眼見貨架上7成貨物都賣走了。由此可知dpqb中ge "define"真係好重要，有左define，先有FAB，再將件product跟住FAB設計好後再投產。

by Chris