珍貴的六日理論變作畢生受用

六日既飛翔計劃終於結束，對我黎講由第一日既0認識到同學既感覺到第六日認識既感覺已經好唔同‧初初見面總係非常陌生，而且學生似乎唔太理會自己，但漸漸我開始同你地講解同分析管理學上既問題時，同學仔都非常留心‧事實上，互動性既活動唔單只拉近左同學與同學之間既距離，甚至連我地既導師都拉近左‧好唔容易係day 1記好自己組別同學既名，但六日過後又似乎無咩機會再次叫到‧同Mac Sir 講既機會理論一樣，機會一出現就要好好把握，否則就會得物無所用‧認識各位同學亦係一個好好既機會，了解到從前中學既生活狀況‧

至於係最後既presentation當中，我自己真係相當感動，感動既係同學既用心努力既表現‧要知道其實同學仔既business plan 係我地大學先至會用到，但中四既你地表現都已經相當唔錯，甚至比部分大學生係溝通上既表達更見優勝‧一件產品或者服務既出現究竟會係點? 我相信同學仔一定知道得七七八八，但一個成功或者出色既企業家幾時出現? 答案就應該係你地將來既身上睇到‧

希望各位同學仔記住，學業上面對挫折唔需要感到徬徨，正如你地學到既企業概念一樣，唔係每一件產品都賣得好、唔係每一個企業家好努力去創業就唔會遇到失敗，我地要知道既係問題出現既原因，要成日問點解，好似產品點解無人買甘‧

我自己係活動當中都吸收左好多你地為我帶來既知識，甘所以其實整個活動係會令到大家互相成長既‧希望將來係商界可以再一次見到你地每一位，亦希望將來報紙可以見到其中一位成功既創業家既名會係你地，互勉!!!!!

By 細孖